Apr 13, 2009

සුභ අලුත් අවුරුද්දක් තාත්තේ - Suba Aluth Auruddak Thatte




මේච්චර කල් බ්ලොග් එකේ කවියක් තමා දැම්මේ. ඒත් අද මොනාහරි ලියන්න ඕනි කියලා හිතුණා.

තාත්තා රට ගිහින් දැන් මාස 10ක් විතර වෙනවා. ඒ කාලය තුල තාත්තාගේ චරිතය සමහරක් වෙලාවට මම රඟපෑවා, සමහරක් වෙලාවට අම්මා ම තාත්තා වුණා.

මතක හිටින කාලෙක අපි 3 දෙනා ජනවාරි 01 වෙනිදාටවත්, අප්රියෙල් 14 වෙනිදටවත් එකට ගෙදර ඉඳලා නෑ. ඒ මගේ තාත්තාගේ රස්සාව නිසා. (තාත්තා Nature Guide කෙනෙක්). ඒත් අවුරුදු දවසට ගෙදර නොහිටියත්, දවස් දෙක තුනක් පහු වෙලා හරි ගෙදර එද්දි දැනෙන්නේ මාර සතුටක්. හිතේ හංගගෙන ඉන්න සතුටක්.

ඒත් අද ඒ තත්වේ වෙනස්‍. තාත්තා ඉන්නේ අත ගාලා බලන්න පුලුවන් දුරක නෙමෙයි. කිලෝමී‍ටර් ගාණක් දුර. ඒත් හිතින් නම් මගේ එහා පැත්තේ.

ඉතින් මේ අවුරුද්දත් තාත්තා ගෙදර නැතුව සමරනවා. ඒ වුණත් වෙනදාට වඩා දුකකින්.

ඒත් ලබන අවුරුද්ද නම් මෙහෙම සමරන්නේ නෑ. කොහොමහරි අපි දෙන්නම එයා ළඟට යනවා....

සුභ අලුත් අවුරුද්දක් තාත්තේ....